Kiswahili

Sisi, kama almashauri ya nakala za Berlin ("Berliner Register"), tunataka kuchukua hatua dhidi ya ubaguzi na utengaji. Kwa hivyo tunanakili matukio yanayotokea katika maisha ya kila siku hapa Berlin, tunayaweka wazi na kwa kupitia njia hii tunapata washirika wanao tusaidia katika mapambano dhidi ya vita hivi.

Tunarekodi yanayo jiri katika matukio haya: Ubaguzi wa rangi, chuki dhidi ya Wayahudi, shughuli za walio na mawazo ya mrengo wa kulia, uadui dhidi ya watu wa LGBTIQ*, chuki dhidi ya ufeministi, uadui dhidi ya watu wenye ulemavu na uadui dhidi ya watu wasio na makazi.

Tunanakili, kwa mfano: vitisho, matusi na kuingilia watu, mashambulizi ya kimwili, ubaguzi kupitia walio mamlakani, udhibiti wa ubaguzi wa rangi na polisi, stika, vipeperushi na michoro ya barabarani , matukio na uharibifu wa mali ambao unaweza kuhusishwa na mojawapo ya yalio tajwa hapo juu.

Tunakusanya ripoti hizi na kuzichapisha kama maingizo katika nakala maalum kwenye tovuti hii na kuzitathmini mara moja kwa mwaka. Matokeo ya ripoti hii yanaweza kutumiwa na wanasiasa, wafanyakazi wa utawala au mashirika yanayohusika kisiasa katika maamuzi yao. Kisha wao wanaweza kuchukua hatua mwafaka zinazolenga kupinga ubaguzi na utengaji wa watu.

Tunafanya kazi bila ya mashirikiano na serikali au polisi. Unaweza kuwasiliana nasi bila ya kujitambulisha. Kuripoti tukio kwetu ni bila malipo. Unaweza kuripoti ulio yapitia na ulio yaona katika lugha yako ya mama:

• kupitia fomu yetu ya wavuti (Kijerumani, Kiingereza, Kifaransa, Kituruki).
• ripoti kupitia barua pepe kwa Kiswahili na kwa simu kwa Kiingereza na Kijerumani.
• ripoti kupitia programu ya kupinga ubaguzi ya jimbo la Berlin katika lugha nyingi (Kiingereza, Kifaransa na lugha nyinginezo): AnDi-App.
• ripoti katika eneo maalum la mawasiliano.

Ni muhimu kwa wale walioathiriwa kuweza kuelezea walioyapitia na wasiwe peke yao katika mitazamo yao. Tunachapisha matukio kwa kila wilaya binafsi. Kwa kupitia njia hii, wilaya jirani zinafahamishwa na mshikamano unaundwa kwa wale watu wanaokumbana na ubaguzi na utengaji.

Unaweza kuangalia nakala zetu maalum za matukio kwa lugha ya Kijerumani.

Tunatathmini matukio yote kila mwaka katika kila wilaya ya Berlin. Hii inasababisha takwimu, kwa mfano, ambapo ubaguzi ni jambo la kawaida sana au eneo kamili ambalo wanamrengo wa kulia hufanya shughuli zao mara kwa mara.

Kila mwaka katika majira ya kuchipua, tunachapisha tathmini moja kwa kila wilaya na moja kwa Berlin yote kwa jumla kwa lugha ya Kijerumani. Katika majira ya joto tunachapisha ripoti ya kila mwaka yenye mada kuu za mwaka uliopita kwa ya Kijerumani na ya Kiingereza.

Katika kila wilaya ya Berlin kuna rejista na sehemu nyingi maalum za mawasiliano. Sehemu hizi maalum za mawasiliano ni kwa mfano maduka yamtaani, vyama, vituo vya ujirani na ofisi za wabunge.

Unaweza kuwasiliana na kila rejista ya Berlin moja kwa moja katika wilaya yako.

Sisi kama almashauri ya nakala za usajili Berlin tunapokea ufadhili kutoka kwa mpango wa jimbo la Berlin la "Demokrasia. Tofauti za Kibinadamu. Heshima. Pingamizi Dhidi ya Misimamo mikali ya Mrengo wa Kulia, Ubaguzi na Kupinga Uyahudi" ya Idara ya Seneti ya Haki, Ulinzi wa Watumiaji na ya Kupambana na Ubaguzi na pia kutoka kwa fedha za wilaya. Ofisi za rejista ziko katika kila wilaya katika ofisi tofauti cha wafadhili. Ofisi ya uratibu ya rejista za Berlin iko chini ya mwamvuli wa kampuni isiyo ya faida inayoitwa: "pad gGmbH".

Tunawasilisha mradi kwa kina kwa lugha ya Kijerumani.

Sisi kama regesta za Berlin tutakusaidia kupata kituo cha ushauri kinachofaa:

• Tuandikie barua pepe kwenye Kiswahili.
• Iwapo umekumbwa na ukatili, unaweza kuwasiliana na: ReachOut Berlin.
• Unaweza kupata vituo zaidi vya ushauri katika lugha ya Kijerumani chini ya kipengee cha menyu: "Beratungsstelle finden".

Pia tunajitambulisha katika kipeperushi hiki kwa lugha ya Kiswahili.